~~~~~සබඳ~~~~~

කඳුළු සුසුමන් පමණ හැඳිනූ

මගේ සිත වෙත

සතුටු සිනහව ළං කරවූ                                

ඔබේ ඔය සිත

කඳුළු සෙවණැලි වලට රිසිවූ

මගේ නෙත් වෙත

සතුටු පැහැයන් එක් කලාවූ

ඔබේ නෙත් යුග

අඳුරු සීතල මතකයන් වෙලි

මගේ ගත වෙත

ආදරේ උණුසුම ලබා දුන්

ඔබේ ඔය ගත

තුලින් දකිනෙමි

තුලින් විඳිනෙමි

සදා නොවෙනස් ඔබේ ප්‍රේමය

පිදූ මාවෙත

 ~~~~තරු~~~~

~~~~~නුඹයි මගෙ පුතු~~~~~

ඔබේ මුවඟට සිනා ගෙන එමි

සිතේ ලතැවුල් මකා ලන්නෙමි

ඔබේ නෙතඟින් කඳුළු එන විට

ඒ කඳුළු කැට පිස දමන්නෙමි

ඔබට තනියක් දැනෙන විට මා

ඔබ ළඟින්  හිඳ ගී ගයන්නෙමි

සිහින දෙව් දූ සමඟ සරමින්

සිනා කැන් නුඹ නගන විටදී

නුඹ ළඟින් හිඳ මමද හිනැහෙමි

නුඹයි මගෙ පුතු මම ලොවක් දිනු

මගේ දිවියේ සතුට කඳුලද නුඹයි මින් පසු

~~~~තරු~~~~

~~~~~නික්ම යන්නට මං කියාවිද~~~~~

මලක සුසිනිඳු නුඹේ කම්මුල්

සිඹින්නට මට දෙන්න අවසර

සුළගෙ වෙළෙනා නුඹේ කෙහෙරැල්

මගේ හද තුල මවන සිතුවම

මවෙත හෙළනා කෝල බැල්මන්

මසිත ගෙන යයි අනන්තය වෙත

ඔබෙන් ලබනා සොඳුරු ප්‍රේමය

දිව්‍ය විමනකි මසිත සනසන

නමුදු සොඳුරිය හෙට දිනෙක අප

අප අපෙන් සමු ගතව යුතු ඇත

නුඹේ නෙතගින් වැටෙන කඳුලැලි

නික්ම යන්නට මං කියාවිද නුඹෙන් මා හට ??

~~~~තරු ~~~~

~~~~~අහිමි සිහින~~~~~

සිහින දකින

දකින සිහිනෙ අරුත සොයන

මගේ සිතට

තනි රකින්න නුඹ එනවද

නුඹ ඇසුවා එදා මගෙන්

තනි රැක්කා ළඟ හිටියා

නුඹත් සමඟ

නුඹේ සිහින රැක ගත්තා

අමතක කර මගේ සිහින

නුඹත් සමඟ සිහින ගැන්නා

ඇති දැන් මට

නුඹ කිව්වා තව දවසක

නිල් රතු විය මගේ දිවිය

යන එන මං අමතක විය

නුඹ වෙනුවෙන් අමතක කෙරු

මගේ සිහින වත් නෑ දැන්

මගෙ තනියට

නුඹ සමඟින් ගැනූ සිහින

සිහිවෙනවා මට නිතරම

නැවතත් හැකි නම් මා හට

නුඹේ හිතට තනි රකින්න

මගෙ හිත මට කොඳුරනවා

හැම වෙලේම

ඉන්නවා ඇති වෙන කවුරුන්

නුඹේ සිහින ගැන තබන්න

මමත් හොරෙන් කොඳුරනවා

මගේ සිතට

දින ගෙවුනා සති ගෙවුනා

සිහින නැතුව

සිත රිද්දන කඳුළු උනන

අඳුරු සිහින

නැවුම් සුවඳ අරගෙන එන

පාට සිහින

එනවද නුඹ මගේ හිතට

තනි රකින්න

සිහිනයක්ද සැබෑවක්ද

ඒ නුඹමද

යළි ඇවිදින් නුඹ මා වෙත

හැකි වෙද යළි නුඹ සමඟින්

නුඹේ සිහින බෙදා ගන්න

ගැන තබන්න

සිහින අහිමි මගේ සිතට ?????

~~~~තරු~~~~